Wuhani nuk raporton asnjë rast me koronavirus - Bota Sot
Wuhani nuk raporton asnjë rast me koronavirus

Azia

Wuhani nuk raporton asnjë rast me koronavirus

Më: 2 qershor 2020 Në ora: 16:39
Foto ilustrim

Wuhani, qendra ku shpërtheu koronavirusi, nuk ka raportuar asnjë rast me pandeminë Covid-19 përgjatë së martës, kanë bërë të ditur autoritetet lokale të vendit.

Ata bënë të ditur tutje se kishin gjetur 300 pacientë simptomatik, të cilët nuk shfaqin simptoma por prapë arrijnë ta shpërndajnë virusin, shkruan Daily Mail.

Zyrtari i lartë shëndetësor i Beijing-ut pohoi se “Wuhani është qyteti më i sigurt në Kinë” pas testimit masiv të 10 milionë banorëve për virusin që shkakton sëmundjen Covid-19.

Pas 10 ditësh testim, autoritetet e Wuhanit thanë se kanë mbledhur tamponë nga nëntë milionë banorë.

Feng Zijian, nënkryetari i Qendrave në Kinë për Kontrollin dhe Parandalimin e Sëmundjeve, u tha gazetarëve se Wuhan konsiderohet si “strehë e vendit” gjatë pandemisë koronavirus, që ka infektuar mbi gjashtë milionë njerëz në të gjithë botën.

“Kam parë me sytë e mi të gjithë procedurimin e testimit”, deklaroi Feng. “Statistikat që u lëshuan janë objektive dhe reale”.

“Wuhani tani është qyteti më i sigurt në Kinë”.

Shfaq komentet
comments powered by Disqus
Sot mund të lexoni Shfletoni kopertinat