Një ngjarje e rëndë ka ndodhur në Kinë ku një foshnjë e porsalindur është braktisur dhe hedhur brenda një koshi mbeturinash.
Kur u gjet, policia zbulon se kordoni kërthizor ende i qëndronte varur. Foshnja e zhveshur u gjet e mbështjellë me një qese plastike kur një punëtor që shpërndante ushqime, dëgjoi fëmijën duke qarë ndërsa po parkonte motoçikletën e tij në rajonin verior kinez Ningxia.
Sipas policisë foshnja thuhet se ka qenë në gjendje të qëndrueshme, pasi u dërgua në një spital lokal për kontroll mjekësor.
Një hetim policor po vazhdon, thonë raportet. Ngjarja e rëndë u zbulua kur punëtori i shpërndarjes së ushqimit, Hai Yafeng, ishte duke shkuar për në shtëpi gjatë pushimit.