Tregu i prodhimeve të detit Huanan në qytetin kinez të Wuhan, që besohet nga shumë të jetë origjina e pandemisë COVID-19, është vulosur pas një gardhi blu rrethues. Një ekip i madh i stafit të sigurisë përzë këdo që mbetet aty.
"Ne thjesht po bëjmë punën tonë", tha një roje i veshur me të zeza që urdhëroi një reporter të Reuters të fshinte pamjet e regjistruara afër portave kryesore të tregut.
Ai e identifikoi veten si një punëtor nga ekipi i parandalimit dhe kontrollit të epidemisë së qeverisë së qytetit.
Gazetarët e huaj u ftuan në një turne zyrtar për të raportuar mbi përpjekjet e Wuhan për të rindërtuar ekonominë e tij pas traumës disa mujore të COVID-19.
Mesazhi zyrtar: "qyteti heroik" është kthyer në normalitet dhe përsëri në biznes, shkollat dhe vendet turistike të tij janë rihapur dhe ndërmarrjet e tij funksionojnë me kapacitet të plotë.
"Asnjë vend tjetër nuk është aq i sigurt sa ky", thotë Lin Songtian, president i Shoqatës së Popullit Kinez për Miqësinë me Vendet e Huaja, një grup i mbështetur nga shteti që ndihmoi në organizimin e turneut.
Qyteti qendror kinez në brigjet e lumit Yangtze nuk ka raportuar asnjë rast të transmetimit lokal që nga maji, dhe shumica e kontrolleve të rrepta të vendosura gjatë një bllokimi dy-mujor kanë qenë të relaksuar.
Por Wuhan u akuzua se kishte vepruar shumë ngadalë në fazat e hershme të shpërthimit mes frikës për shkatërrimin e ekonomisë. Kritikët thonë se censura e mediave dhe heshtja e sinjalizuesve i dhanë virusit më shumë kohë për t’u përhapur pa u zbuluar.
Wuhan mbetet hezitues për të lejuar hedhjen e dritës mbi origjinën e një patogjeni që ka vrarë gati 900,000 njerëz në të gjithë botën.
Qyteti ende kufizon hyrjen në vende si tregu Huanan, i cili ishte i lidhur me grupin e parë të identifikuar të infeksioneve në dhjetor.
Në një tjetër treg me shumicë në veriun e largët të qytetit, i cili është i hapur për publikun, Reuters u ndalua të fliste me shitësit dhe tregtarët.
Kina hedh poshtë teoritë që rrethojnë koronavirusin, duke përfshirë pretendimet pa prova se një institut special i virologjisë në Wuhan e prodhoi atë. Por shumë pyetje pa përgjigje mbeten në lidhje me origjinën e COVID-19 dhe rolin e luajtur nga tregtia e botës së egër ekzotike në Wuhan.
Megjithëse autoritetet mbyllën tregun e Huanan në janar, ka një konsensus shkencor në rritje që virusi nuk ka origjinën atje. Disa studime sugjerojnë se ai ishte tashmë në qarkullim në kohën kur arriti në treg, me më shumë se një rrugë transmetimi.
"Unë pajtohem me idenë e përgjithshme që virusi u hodh në një njeri përpara tregut të Wuhan", tha David Irwin, profesor i mjekësisë dhe patobiologjisë në Universitetin e Torontos. "Ata mund të kenë qenë një tregtar që ishin ekspozuar ose drejtpërdrejt në virusin në një kafshë nikoqire ose kishin ndërvepruar me fermerë ose tregtarë të tjerë jashtë Wuhan."
Kina nuk ka treguar interesim për një hetim ndërkombëtar për origjinën e COVID-19 ose për të lejuar më shumë shqyrtim të përpjekjeve të saj në fazat e hershme të shpërthimit, duke preferuar të përqendrohet në rimëkëmbjen e shpejtë ekonomike të vendit.
