Koreja e Veriut, një nga vendet më të izoluara në botë nuk ka konfirmuar asnjë rast COVID-19.
Por ekspertët shëndetësorë dyshojnë ky se vend mund t’i kishte shpëtuar pandemisë plotësisht.
Pyongyang mbylli kufirin e saj me Kinën në janar dhe vendi mendohet të jetë duke përdorur një politikë “qëllo për të vrarë “ në kufijtë e saj për të parandaluar hyrjen e virusit në vend.
Por qasja e Koresë së Veriut është vënë nën vëzhgim ditët e fundit për shkak të mënyrës tronditëse të vrasjes së një zyrtari të Koresë së Jugut i cili u gjet duke notuar në ujërat e Veriut.
Të mërkurën, agjencia zyrtare e lajmeve KCNA njoftoi se “disa gabime” ishin zbuluar në përpjekjet e Koresë së Veriut për të parandaluar një shpërthim, gjatë një takimi të fundit të Partisë së Punëtorëve në pushtet – ku morri pjesë udhëheqësi Kim Jong-un.
Raporti nuk përcaktonte cilat ishin ato gabime, por takimi “theksoi nevojën për t’u mbrojtur në mënyrë rigoroze nga vetëkënaqësia, pakujdesia, papërgjegjësia dhe përtacia”.