Refuzon të martohet, 20-vjeçarja nga India digjet për së gjalli nga një i ri – publikohen momentet e fundit të saj

Azia

Refuzon të martohet, 20-vjeçarja nga India digjet për së gjalli nga një i ri – publikohen momentet e fundit të saj

Më: 19 nëntor 2020 Në ora: 17:11
Foto

Pasi që disa ditë më parë një djalosh nga India e dogji për së gjalli një vajzë 20-vjeçare nga Vaishal në Bihar, ajo ndërroi jetë pasi nuk i mbijetoi plagëve që ai ia shkaktoi.

Sipas familjarëve të saj, arsyeja e sulmit ishte se ajo refuzoi të martohet me njërin prej të akuzuarve, Satish Raia. Në anën tjetër Katun ishte e fejuar me dikë tjetër dhe priste të martohej.

Gulnaz Katuan ishte djegur për së gjalli gjatë 30 tetorit dhe ishte dërguar me urgjencë në spital në Patna, me mbi 75 për qind të lëkurës së djegur në trup.

Para vdekjes ajo kishte fajësuar Satishin dhe babanë e tij Vinaia si dhe vëllain Chandan. Videoja e rrëfimit të viktimës është bërë virale në rrjetet sociale, ku ajo thotë se Satish e kishte djegur për së gjalli derisa Vinai dhe Chandan e kishin ndihmuar të kryejnë këtë krim.

Ndërkaq e ëma e vajzës ka thënë se Satish e kishte kërcënuar me jetë një ditë para kryerjes së krimit – ku edhe i vuri zjarrin rreth orës 17:30 të 30 tetorit, derisa po shkonte të hudhte në kontejner mbeturinat para shtëpisë.

Siç raporton Times of India, burime brenda policisë në Vaishal bëjnë të ditur se të akuzuarit janë në arrati dhe se janë formuar tri njësi të policisë për t’i kapur.

E nëse të akuzuarit nuk dorëzohen gjatë tri ditëve të ardhshme, policia do t’ua konfiskoj pronat. Ndërkohë, familja e viktimës ka refuzuar të varros trupin e pajetë duke kërkuar që të akuzuarit të arrestohen.

Shfaq komentet
comments powered by Disqus
Sot mund të lexoni Shfletoni kopertinat