Golden Eagle Ylli nga Theranda triumfoi në derbin e javës së 15-të në elitën e basketbollit, me rezultat 83:65 (20:13, 17:15, 27:18, 19:19) ndaj kampionit në fuqi Bashkimit, në ndeshjen që u zhvillua në palestrën e sportit në Prizren. Basketbollisti Alban Veseli debutoi me sukses në fanellën e Yllit dhe ka qenë më i dalluarit, duke ia siguruar fitoren shumë të rëndësishme. Vendasit u angazhuan maksimalisht por assesi që të ndalin Yllin e disponuar.
Për Yllin është fitore shumë me rëndësi, duke përforcuar vendin e dytë me 25 pikë të mbledhura, kurse Bashkimi mban pozitën e gjashtë me 22. Alban Veseli me 26 pikë së bashku me Clayton Erevett me 19 e Romelo Banks me 18 janë heronjtë të fitores së Yllit, kurse te Bashkimi Jordan Caps realizoi 22 pikë, por nuk mjaftuan.
Bashkimi-G. Ylli 65:83
Bashkimi: Q. Biraj 8, Ilazi, Caps 21, Haney 9, James 16, Wofford 3, Shaqiri, Muriqi, Gashi 1, Palushi 6, Karanezi dhe Hajzeri.
Golden Eagle Ylli: Mekaj 8, Kuqi 4, Everett 19, Banks 18, Veseli 26, A. Gashi, Elshani, Holloman 2, Pepaj 6, Shala, F. Gashi dhe A. Shala.