FBK, vizitë inspektuese në palestrën “Minatori” për ndeshjet kundër Britanisë së Madhe dhe Luksemburgut      - Bota Sot
FBK, vizitë inspektuese në palestrën “Minatori” për ndeshjet kundër Britanisë së Madhe dhe Luksemburgut     

Basketboll

FBK, vizitë inspektuese në palestrën “Minatori” për ndeshjet kundër Britanisë së Madhe dhe Luksemburgut     

Më: 11 qershor 2019 Në ora: 11:04
FBK, vizitë inspektuese në palestrën “Minatori” për ndeshjet kundër Britanisë së Madhe dhe Luksemburgut     

Zyrtarë të Federatës së Basketbollit të Kosovës (FBK) të hënën e kanë zhvilluar vizitën inspektuese në palestrën “Minatori” në Mitrovicë, ku janë pritur nga zyrtarët e KB Trepça, Naim Hajrizi-Drejtor dhe Kemajl Muja-Sekretar, si dhe më pas të gjithë së bashku janë takuar me zyrtarë të Komunës së Mitrovicës.

Delegacioni i FBK-së, përbëhej nga Sekretarja e Përgjithshme, Elvira Dushku dhe nga Komesari i Garave, Faton Kurshumlija, të cilët janë pritur nga nënkryetari i Komunës së Mitrovicës, Faruk Mujka dhe Drejtori për Kulturë, Rini dhe Sport, Tafil Peci, dhe  drejtori i Qendrës Multifunksionale “OMNI SPORT”, Nysret Qubreli.

Qëllimi i këtij takimi ishte diskutimi rreth mënyrës së organizimit të ndeshjeve që Përfaqësuesja A e Kosovës me vendim të Bordit të FBK-së, ndeshjet e fazës së tretë të parakualifikimeve për Eurobasket 2021 do ti zhvilloj në palestrën “Minatori” në Mitrovicë.

Me këtë rast nënkryetari Mujka ka falënderuar përfaqësuesit e FBK-së për vizitën në Mitrovicë, por edhe për përzgjedhjen e qytetit të Mitrovicës për organizimin e ndeshjeve të Përfaqësueses A të Kosovës. Po ashtu ai ofroi të gjitha mundësitë e komunës për zhvillimin e këtyre ndeshjeve.

Ndërsa Sekretarja e Përgjithshme e FBK-së, Elvira Dushku falënderoi nënkryetarin Mujka për mbështetjen dhe bashkëpunimin e mirë që kanë nga ana e komunës, dhe përkushtimin maksimal në organizimin e ndeshjeve që zhvillohen në qytetin e Mitrovicës. Prandaj Dushku kërkoi që edhe në këto ndeshje të ketë organizim të mirë dhe gjithçka të shkojë më së miri.

Ndeshjet e Përfaqësueses së Kosovës do të zhvillohen në palestrën “Minatori” me datat 7 gusht dhe 14 gusht 2019 ndaj Britanisë së Madhe dhe Luksemburgut.

Ndërkaq pas vizitës inspektuese në palestrën “Minatori” zyrtarët e FBK-së e kanë njoftuar KB Trepçën dhe Komunën e Mitrovicës për investimet që duhen bërë në mënyrë që të plotësohen kriteret e FIBA-s për organizimin e ndeshjeve në këtë palestër.

Në fakt këto kritere janë elementare për zhvillimin e ndeshjeve me karakter ndërkombëtar.

- Konstruksionet e koshave FIBA Level 1 për garat ndërkombëtare;

- Semaforët tregues të kohës së sulmit dhe kohës së ndeshje, për garat nërkombëtare;

- Pajisjet ndriçuese LED për skadim të kohës së sulmit (ngjyrë e verdhë);  

- Pajisjet ndriçuese LED për skadim të kohës së ndeshjes (ngjyrë e kuqe);

- Semaforët anësor;

- Tabela e konstruksionit (rezervë) në rast të dëmtimit të atyre të vendosura në konstruksion;

- Ngjyrosja e hapësirave kufizuese brenda fushës dhe jashtë fushës së basketbollit;

- Tavolina zyrtare (në 2 nivele për gjyqtarët ndihmës);

- Mbrojtëset për pankinat e ekipit kundërshtar;

-  Mbrojtësja për largimin e ekipit kundërshtar;

- 300 ulëse VIP;

-  Furnizimi me printer laptop për mbajtjen e statistikave të ndeshjes dhe printimin e tyre;

-  Mbulimi i vijave kufizuese të sporteve të tjera (hendboll, volljeboll);

-  Rregullimi i hapësirave të korridoreve dhe zhveshtoreve të lojtarëve;

- Pajisjet për dhomën e dedikuar doping-kontrollit.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...