Dështon edhe në testin e tretë, Miller e pranon se përdori substanca të ndaluara - Bota Sot
Dështon edhe në testin e tretë, Miller e pranon se përdori substanca të ndaluara

Boksi

Dështon edhe në testin e tretë, Miller e pranon se përdori substanca të ndaluara

Më: 20 prill 2019 Në ora: 23:45
Jarrell Miller dhe Anthony Joshua

Dueli mes Jarrell Miller dhe Anthony Joshua përfundimisht nuk do të zhvillohet, për fajin e boksierit amerikan.

Miller ka dështuar në testet e drogës, ku tri herë ka rezultuar pozitiv, për një substancë të palejueshme.

Pas dy herëve të para, amerikani dërgoi çështjen në apel, por ai ka dështuar edhe në testin e tretë dhe më në fund ka thyer heshtjen, duke pranuar se e ka ‘djallosur’ pakëz.

“E djallosa. E djallosa. Bëra një veprim të gabuar” ka thënë Miller në një video emocionuese të postuar në ‘Instagram’.

“Ka shumë mënyra për tu përballur me këtë problem, unë zgjodha rrugën e gabuar dhe po e paguaj çmimin për këtë” ka thënë tutje ‘Big Baby’.

“Humba një mundësi të madhe dhe jam shumë i lënduar nga brenda. Zemra ime është e thyer tani. Kam lënduar familjen, shoqërinë, skuadrën dhe mbështetësit” ishin disa nga fjalët e amerikanit.

Kështu pas dështimit të Miller, Joshua është duke kërkuar kundërshtarin e radhës, dhe sipas fjalëve të promotorit të tij, favoriti për duelin është Luis Ortiz.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...