Mërkoja: O Aziz, me këtë formular nëse ne e nënshkruajmë kjo do të thotë se ne jemi me Serbinë! - Bota Sot
Mërkoja: O Aziz, me këtë formular nëse ne e nënshkruajmë kjo do të thotë se ne jemi me Serbinë!

Boksi

Mërkoja: O Aziz, me këtë formular nëse ne e nënshkruajmë kjo do të thotë se ne jemi me Serbinë!

Nga: Kemajl Goca Më: 15 qershor 2019 Në ora: 13:54
Aziz Salihu

Jetë e zorshme në vitet e 90-ta. Veç një Zot e din se si ia doli populli shqiptar i Kosovës t’i mbijetoi terrorit të pushtuesit serb. Shqiptarët u dëbuan nga të gjitha fushat e jetës, po ashtu edhe sportistët nga objektet sportive.

Në librin “Kush është Aziz Salihu”, të tjerët flasin për të, me autor Cen Pushkolli, të botuar në vitin 2015, ish sekretari i përgjithshëm i Federatës së Futbollit të Kosovës (1991-1994), Sejdi Mërkoja, kishte treguar një detaj shumë interesant. Sepse një farë Luba Aziz Salihut ia jep një formular për të nënshkruar.

“Një farë Luba ishte drejtor i dhunshëm në pallatin e Sporteve, i thotë Azizit: Po gjithsesi, ja merre këtë formular plotësoje dhe nënshkruaje e ma sillë, menjëherë leja do të jipet.

Vjen Azizi te unë dhe thotë: Sejdi, ata të pallatit të Sporteve ma dhanë këtë formular për ta plotësuar ngaqë janë të gatshëm me na e dhënë në shfrytëzim sallën për ushtrime.

Image

Sejdi Mërkoja

E marrë unë formularin dhe e lexoj, çka me pa, në formular pos tjerash shkruante se unë i quajturi N.N. i pranoj masat e dhunshme të Republikës së Serbisë dhe se dëshiroj të jem pjesë e jetës sportive që organizohet nga drejtoria e këtij pallati.

I them unë Azizit: O Aziz, me këtë formular nëse ne e nënshkruajmë kjo do të thotë se ne jemi me Serbinë e kundër popullit tonë. Në këtë Azizi reagoi dhe u ngrit në këmbë duke sharë dhe duke grisur formularin”, kështu ka shkruar mes të tjerash Mërkoja.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...