Jon Jones triumf mes drithërimave ndaj Santos, fitore me vendim jo-unanim - Bota Sot
Jon Jones triumf mes drithërimave ndaj Santos, fitore me vendim jo-unanim

Boksi

Jon Jones triumf mes drithërimave ndaj Santos, fitore me vendim jo-unanim

Më: 7 korrik 2019 Në ora: 10:29
Jon Jones,Thiago Santos

Jon “Bones” Jones mposhti Thiago Santos me vendim jo-unanim të gjyqtarëve në eventin UFC-239 të zhvilluar sot në Las Vegas, duke mbrojtur titullin kampion bote në peshën “light heavyweight” (pesha 84-93kg). Një fitore e vështirë për Jones, që nuk e pati aspak të lehtë të mposhtë rivalin brazilian, në një sfidë të ekuilibruar, çka u duk edhe nga vendimi i gjyqtarëve.

Dy gjyqtarë i dhanë fitoren Jones, 48-47, 48-47, ndërsa njëri votoi për Santos, po 48-47. Të pestë raundet ishin shumë të fortë, të ngjashëm mes tyre dhe me rivalitet, ku të dy sportistët e meritonin fitoren. Madje edhe barazimi do të kishte qenë i pranueshëm. Jones u largua nga kafazi me titull por i dëmtuar, i mbajtur në krahë nga stafi i tij.

Një sfidë ku raundi i parë ishte më i mirë për Santos, por Jones reagon mirë në të dytin, duke rikthyer ekuilibrat dhe nis të ketë dominimin e kafazit. Edhe në të tretin është amerikani ai që ka epërsinë, ndërkohë që diferencën e pikëzimit e bëjnë dy raundet e fundit.

Santos duket më mirë në raundin e katërt, ndërsa në të pestin Jones bën më shumë detyrën duke kontrolluar rivalin, ndërkohë që grushtet, bërylat e shkelmat nuk munguan në të pestë raundet.

Për Jon Jones ky është suksesi nr.25 në kafaz, ku ka edhe 1 humbje, ndërsa për Santos vjen humbja e 7-të në UFc, ku ka edhe 21 fitore. Gjithsesi, duke parë  këtë sfidë të sotme mund të  ndodhë që të kemi një revansh në vijim.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...