Boksieri nga Kosova që jeton dhe vepron në Austri, Bernard Jakaj, më 7 dhjetor do të zhvilloj ndeshjen e tij të nëntë në boksin profesionist, kurse kundërshtar kësaj radhe do jetë çeku, Tomas Adamek i cili ka 46 ndeshje në boksin profesist prej tyre 28 fitore (9 KO).
Kjo ndeshje do të zhvillohet në Vjenë kurse boksieri shqiptar kërkon mbështetje nga fansat e tij sepse ka të bëj më një luftëtar shumë të fuqishëm.
“Për këtë duel ka kohë që kam filluar përgatitjet dhe po ndihem shumë mirë, andaj më 7 dhjetor do të mundohem të shënoi edhe një fitore.
E di që do jetë përballje e vështirë pasi kundërshtari ka shumë përvojë por do të jap maksimumin nga vetja që të dal triumfues dhe në fund të festojmë së bashku me gjithë ata fansa që do vijnë të më mbështesin”, deklaroi për “ArenaRing”, Bernard Jakaj.
