Lajm i hidhur për sportin e Kosovës. Në moshë të re ndërron jetë boksieri i talentuar Ensar Mujota. Federata e Boksit e Kosovës konfirmon lajmin trishtues.
"Me dhimbje të thellë e morëm lajmin për ndarjen nga jeta të sportistit (boksierit) tonë të zellshëm, Ensar Mujota, andaj më lejoni që në emer te Bordit te FBOXK-së, klubeve dhe gjithë komunitetit të boksit në Kosovë të ju shpreh ngushëllimet tona më të sinqerta familjes Mujota dhe KB 'Skender Salihu'.
Ensari ishte i dashuruar me boksin dhe këtë e dëshmoi që nga fëmijëria, teksa si boksier aktiv u shqua me talentin e tij në K.B “Skender Salihu” Shtime.
Ensari gjithmonë ishte i përkushtuar në sportin e boksit dhe u dallua si sportiste i vërtetë. Ai u shqua si një djalë shembullor, dhe i afërt me të gjithë ata që e njohën, andaj si të tillë do ta kujtojmë përherë.
Në këto momente të vështira të gjithë jemi pranë jush, për ta përballuar dhimbjen për humbjen e njeriut më të dashur për ju në moshë kaq të re.
I lehtë i qoftë dheu i Kosovës!", shprehim ngushllime FBOXK-së.
