Autoritetet ukrainase bëjnë me dije se dy persona janë vrarë dhe 10 të tjerë janë plagosur si rezultat i bombardimeve ruse në qytetin lindor të Kostiantynivka të shtunën. Në mesin e viktimave mësohet të jetë edhe një vajzë 15-vjeçare.
“Forcat pushtuese të Federatës Ruse qëlluan edhe një herë mbi Kostiantynivka,” njoftojnë autoritetet.
“Si rezultat i sulmit të pushtuesit në vendbanim, dy banorë u vranë, duke përfshirë një vajzë 15-vjeçare. Dhjetë persona gjithashtu pësuan lëndime, duke përfshirë dy adoleshentë të moshës 15 dhe 16 vjeç. Ata u dërguan në spital. për kujdes mjekësor të kualifikuar”, thuhet në postim.
Shtëpitë private, një pikë karburanti, një farmaci dhe dyqane janë dëmtuar ose shkatërruar, shtuan autoritetet rajonale, duke vënë në dukje se hetimet paraprake janë në vazhdim.
