Andrea Dovizioso ka dhënë disa komente lidhur me Marc Marquez dhe vazhdimin e këtij të fundit me Honda.
Dovizioso, një nga konkurrentët kryesor të Marquez gjatë edicionit të kaluar, ka thënë se është habitur nga vazhdimi i kontratës së kampionit me Honda.
Gjatë muajit shkurt, Honda njoftoi se kishte nënshkruar me Marquez për katër vite të tjera, duke befasuar të gjithë.
“Jam shumë i befasuar me kontratën katër vjeçare të Marc me Honda. Mendova se do të ndodhte e kundërta”, ka thënë Dovizioso.
“Por, prapa vendimeve të rëndësishme gjithmonë ka detaje që ne nuk i dijmë. Mendova se do të ndryshonte motoçikletë, por ai duhet të ketë pasur motivet e tij dhe shumë mendime për atë që ka menaxhuar të bëjë deri më tani”, ka shtuar italiani.
Ndonëse nuk dihet saktë, besohet se kontrata katër vjeçare e Marquez me Honda kishte vlerën e 100 milionë eurove.