Eugert Zhupa bën “poker”, konfirmohet sërish për Xhiron e Italisë - Bota Sot
Eugert Zhupa bën “poker”, konfirmohet sërish për Xhiron e Italisë

Çiklizëm

E hënë, 15 tetor 2018

Eugert Zhupa bën “poker”, konfirmohet sërish për Xhiron e Italisë

Më: 28 prill 2018 Në ora: 20:43
Eugert Zhupa

Çiklisti shqiptar Eugert Zhupa, që garon më ekipin italian të Wilier Triestina – Selle Italia, do të jetë për të katërtin vit me radhë në Xhiron e Italisë, një nga 3 turnetë më të rëndësishëm në botë në sportin e çiklizmit. Lajmin e ka konfirmuar sot ekipi italian, që ka përcaktuar 8 çiklistët që do të garojnë për këtë skuadër në turneun e Apenineve. Një besim që drejtuesit e ekipit të Wilier Triestina – Selle Italia i japin çiklistit 28-vjeçar shqiptar, që tashmë ka fituar përvojën e duhur për të qenë në këtë event edhe si protagonist.

Zhupa ka arritur gjithnjë ta përfundojë këtë turne, duke i mbyllur të 21-etapat. Në edicionin e vitit 2015 u klasifikua në vendin e 157-të, një vit më vonë në vendin e 130-të, ndërsa vitin e kaluar u klasifikua në vendin e 140-të. Shpesh çiklisti kuqezi ka qenë protagonist i shkëputjeve, por pa arritur të fitojë ndonjë etapë, që mbetet objektivi i tij kryesor për këtë edicion. Eugert Zhupa është çiklisti i vetëm shqiptar që ka marrë pjesë në Xhiron e Italisë, duike mbajtur lart ngjyrat kuqezi në këtë event të rëndësishëm të sportit të biçikletës.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test