Çfarë duhet të hani në mëngjes për tu dobësuar?

Dieta

Çfarë duhet të hani në mëngjes për tu dobësuar?

Më: 21 prill 2021 Në ora: 13:32
Foto ilustrim

Ekspertët këmbëngulin se dietat që nuk përfshijnë vaktin e mëngjesit kanë 100% më shumë gjasa të dështojnë dhe se përpjekjet për të rënë në peshë do rezultojnë të pasuksesshme.

Por pse është kaq i rëndësishëm mëngjesi në një dietë?

Njerëzit të cilët nuk hanë mëngjes kanë tendencë të ushqehen shumë gjatë ditës.

Mëngjesi rregullon nivelet e glukozës në gjak dhe na bën të mos ndihemi të uritur.

Ushqyerja e duhur në mëngjes përmirëson shëndetin mendor dhe ul ndjesinë e lodhjes.

Por që mëngjesi ynë të jetë i dobishëm, duhet të bëhen zgjedhjet e duhura.

Shihni më poshtë ushqimet që rekomandohen nga ekspertët për mëngjes.

Drithëra integrale

Studimi i botuar në Revistën “American Journal of Clinical Nutrition” ka treguar se ngrënia e drithërave mund të çojë në rritjen e energjisë,që do të thotë ju keni mjaftueshëm energji për tu ushtruar dhe kështu për të djegur kaloritë e tpërta.

Drithërat janë të pasura me vitamina që janë përgjegjëse për kontrollimin e peshës sonë.

Vezët

Miti i vjetër se konsumimi ditor i vezëve ka efekte anësore në organizëm nuk është i vërtetë. Sipas studimeve,vezët janë burim i shkëlqyeshëm i proteinave dhe do t’ju mbajnë të ngopur për shumë orë.

Produktet e qumështit

Produktet e qumështit furnizojnë trupin me kalcium dhe energji për të përballuar një ditë të gjatë.

Qumështi dhe kosi kanë kalori minimale, veçanërisht nëse janë me pak yndyrë dhe përfitimi është i shumëfishtë.

Ekspertët kanë treguar se konsumimi ditor i qumështit dhe kosit zvogëlon kaloritë që konsumojmë gjatë ditës, ndërsa rregullon nivelet e glukozës në gjak.

Nuk është rastësi se një studim në Shtetet e Bashkuara të Amerikës tregoi se 60% e adoleshentëve që nuk konsumonin qumësht për mëngjes kishin më shumë mundësi të kalonin në mbipeshë.

commentFirst article
Sot mund të lexoni Shfletoni kopertinat