Shkarkohet nga detyra nënkryetari i bashkisë së Durrësit

Durrësi

Shkarkohet nga detyra nënkryetari i bashkisë së Durrësit

Më: 10 nëntor 2021 Në ora: 17:51
Foto ilustrim

Është shkarkuar nga detyra nënkryetari i bashkisë Durrës, Arbri Braho, djali i ish-deputetit socialist Spartak Braho.

Shkarkimin e ka firmosur Emirjana Sako, kryetarja e komanduar.

Vendimi është marrë dje dhe ka hyrë në fuqi ditën e sotme.

Kujtojmë se një ditë më parë, Braho ka bërë një denoncim publik ndaj ish-kryebashkiakut Vangjush Dako.

Në një status të publikuar në WhatsApp, Braho e quan Dakon, “xhuxhi 339”, referuar edhe përgjimeve për vjedhjen e votave dhe e akuzoi atë për vjedhje fondesh publike si në rastin e autoshkallës për të cilën Prokuroria e Posaçme Kundër Korrupsionit dhe Krimit të Organizuar organizoi një operacion dhe vuri në pranga zyrtarë.

Në mesazhin e publikuar, Braho shton se Dako planifikon të marrë edhe paratë e hidrovorit.

Megjithatë, nuk dihet nëse shkarkimi i tij është i lidhur me këtë denoncim apo jo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat