Policia boshnjake vret të arratisurin më të kërkuar - Bota Sot
Policia boshnjake vret të arratisurin më të kërkuar

Evropë

Policia boshnjake vret të arratisurin më të kërkuar

Më: 13 shkurt 2019 Në ora: 16:17
Foto

Një zyrtar policor ka thënë se personi i arratisur, i quajtur Edin Gagiq, ndërroi jetë dje gjatë shkëmbimit të zjarrit mes tij dhe forcave të policisë, ndërsa një polic është plagosur lehtë. Ai dyshohej për vrasjen e një polici dhe pronarit të një dyqani. Këto vrasje kishin shkaktuar panik në tërë vendin.

Pas një operacioni të gjerë të kërkimit, në të cilin u përfshinë qindra policë, hetuesit policorë arritën ta përcaktojnë vendndodhjen e të dyshuarit në një zonë malore të mbuluar me borë. Këto hollësi i dha zyrtari i ministrisë së brendshme, Mevludin Haliloviq.

Personi i vrarë kishte vuajtur më parë dy dënime me burgim për vrasje, por ishte liruar në vitin 2017 pasi e kishte përfunduar dy të tretën e dënimit me 20 vjet burgim. 

Disa zyrtarë boshnjakë e kanë kritikuar sistemin e drejtësisë për shkak të lirimit të hershëm të të burgosurit, pavarësisht të kaluarës kriminale të tij, shkruan “Free Europe”.

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...