Hahn: Ballkani në BE, objektiv i përbashkët në të dyja anët e Atlantikut - Bota Sot
Hahn: Ballkani në BE, objektiv i përbashkët në të dyja anët e Atlantikut

Evropë

Hahn: Ballkani në BE, objektiv i përbashkët në të dyja anët e Atlantikut

Më: 10 prill 2019 Në ora: 18:33
Johaness Hahn

Komisionari Evropian për Politikën e Fqinjësisë dhe negociatave të Zgjerimit Johaness Hahn, tha gjatë një vizite në Këshillin Atlantik në Uashington, se integrimi evropian i Ballkanit Perëndimor është qëllim i përbashkët i të dy anëve të Atlantikut.

"Qëllimi ynë i përbashkët në të dyja anët e Atlantikut është stabilizimi i rajonit dhe futja e të gjashtë vendeve të Ballkanit Perëndimor në BE. Është në interesin tonë personal gjeopolitik", tha Hahn gjatë ditës së dytë të vizitës në Uashington, ku ai foli në Këshillin e Atlantikut në lidhje me strategjinë për Ballkanin Perëndimor.

Komisionari evropian paralajmëroi se kredibiliteti i BE është në rrezik.

"Duhet të jemi shumë të vendosur, por të ndershëm, dhe të japim njohjen ku dhe kur është e nevojshme. Mos përmbajtja ndaj detyrimeve do të thotë humbje e fuqisë", tha Hahn.

Hahn ishte në kryeqytetin e SHBA-së, ku u takua me partnerët ndërkombëtarë për të diskutuar në lidhje me spektrin e gjerë të çështjeve, përfshirë Ballkanin Perëndimor, politikën evropiane të fqinjësisë dhe përballjet me sfidat globale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...