Qindra vetë morën pjesë në Nikosia të Qipros në një ceremoni përkujtimore në nderim të shtatë vajzave dhe grave të vrara vitet e fundit. Të gjitha viktimat ishin emigrante në Qipro.
Policia tha se një 35-vjeçar, oficer ushtarak, ka pranuar fajësinë për këtë seri vrasjesh.
Deri tani janë gjetur trupat e tre viktimave, ndërkohë që vazhdojnë kërkimet për viktimat e tjera.
Organizatorët e grumbullimit përkujtimor thanë se synojnë të hedhin dritë mbi punën e metë të organeve të rendit për të ndriçuar këto vrashe, siç duket nga paragjykimet që ekzistojnë pasi viktimat ishin shtetase të huaja.
Portali mediatik Kathimerini Cyprus shkruan se këto akte u kryen nga një vrasës por ishin gjithashtu vepër e “shtetit dhe shoqërisë që vazhdimisht ushqejnë tendenca ksenofobiste dhe raciste”.
Disa nga viktimat ishin nga Filipinet, një tjetër ishte rumune.
