Parashutisti britanik vdes në Kanionin e Madh - Bota Sot
Parashutisti britanik vdes në Kanionin e Madh

Evropë

Parashutisti britanik vdes në Kanionin e Madh

Më: 11 shtator 2019 Në ora: 09:27
Foto ilustrim

Policia në Arizona të Shteteve të Bashkuara ka njoftuar se një burrë britanik ka vdekur në Kanionin e Madh gjatë lëshimit me parashutë.

Zyra policore e rajonit Coconino e identifikoi viktimën me emrin Christopher Swales, 55 vjeç.

Partneri i parashutistit në këtë lëshim, i cili punonte në një qendër parashutistësh, i ka mbijetuar rrëzimit.

Policia tha se dy personat u përballën me vështirësi gjatë lëshimit në tokë në hapësirën e një aeroporti lokal.

“Këto vështirësi bënë që ata të bëjnë rënie të lirë nga një lartësi e panjohur dhe të përplasen në tokë”, thuhet në deklaratën e policisë.

Shërbimet emergjente u lajmëruan për këtë rast rreth orës dhjetë të së martës sipas kohës lokale, ndërsa britaniku Swales u shpall i vdekur në spital.

Policia i ka nisur hetimet lidhur me këtë tragjedi, ndërsa zyra e jashtme britanike i ka shprehur ngushëllime familjes së viktimës, shkruan “BBC”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...