Eksportet gjermane u rritën për të dytin muaj radhazi në tetor, me gjithë pritjet e ekonomistëve që parashikuan një rënie të vogël.
Byroja Federale e Statistikave Destatis njoftoi sot se eksportet u rritën 1.2 për qind në tetor në baza mujore, pasi u rritën 1.5 për qind në shtator, raporton Reuters.
Në bazë vjetore, eksportet shënuan një rritje prej 1.9 për qind, e nxitur nga një rritje prej 4.6 për qind e kërkesës nga vendet jashtë Bashkimit Evropian. Eksportet në vendet e BE u rritën vetëm me 0.1 për qind.
Nga ana tjetër, importet gjermane ngecën në bazë mujore në tetor, duke rënë me 0.6 për qind në bazë vjetore.
