Zvicra ka dëbuar rreth 2 mijë shtetas të huaj vetëm vitin e kaluar - Bota Sot
Zvicra ka dëbuar rreth 2 mijë shtetas të huaj vetëm vitin e kaluar

Evropë

Zvicra ka dëbuar rreth 2 mijë shtetas të huaj vetëm vitin e kaluar

Më: 30 qershor 2020 Në ora: 15:08
Foto ilustrim

Shteti i Zvicrës ka shqiptuar 1980 vendime për dëbim nga Zvicra ndaj personave me shtetësi të huaj.

Sipas autoriteteve shtetërore, urdhëresat për dëbime, shumica prej tyre janë raste ku shtetasit e huaj të cilët kanë thyer ligjin në një mënyrë ose tjetër.

Në rastet e vrasjeve ose përdhunimeve, rreziku për t’u dëbuar është 80 herë më i lartë sesa në rastin e përfitimit të paligjshëm të ndihmave sociale.

Sipas regjistrit Penal për vitin 2019, të publikuar sot nga BFS (Zyra Federale e Statistikave), gjatë vitit të kaluar, nga gjyqet zvicerane janë shqiptuar 1980 vendime me dëbim nga Zvicra, të personave me shtetësi të huaj.

Në 90 për qind të rasteve bëhej fjalë për dëbim të detyrueshëm, shkruan srf.ch.

Kjo do të thotë që personi i huaj është dënuar për një vepër penale në të cilën, krahas dënimit kryesor përfshihet edhe dënimi nga vendi. Dënim i i tillë është në përputhje me nenin 66a të Kodit Penal (“krimet e katalogut”).

11 për qind e njerëzve që kanë marrë këtë dënim, kanë pasur Vizën B ose C të qëndrimit në Zvicër.

Sipas BFS-së, si pesha e krimit, ashtu edhe statusi i qëndrimit në Zvicër i të dënuarit, kanë ndikim në shqiptimin e një vendimi për dëbim nga vendi.

Në rastin e një krimi të rëndë – për shembull vrasje apo përdhunim – rreziku për t’u dëbuar nga Zvicra është pothuajse tetëdhjetë herë më i lartë sesa në rastin e një vepre të lehtë penale, siç është përfitimi i paligjshëm nga ndihmat sociale.

Shfaq komentet
comments powered by Disqus
Sot mund të lexoni Shfletoni kopertinat