Franca ndalon italianin e dyshuar për 160 dhunime dhe sulme seksuale

Evropë

Franca ndalon italianin e dyshuar për 160 dhunime dhe sulme seksuale

Më: 23 tetor 2020 Në ora: 14:39
Ilustrim

Një italian 52-vjeçar, i cili kërkohet në Gjermani nën dyshimet për kryerje të 160 dhunimeve dhe sulmeve tjera seksuale, kryesisht ndaj vajzave të mitura, është arrestuar në anën tjetër të kufirit me Francën.

Brigada BNRF e Francës, për ndjekje të të arratisurve, ka thënë se ka arrestuar të premten të dyshuarin në Rumersheim-le-Haut afër Mulhouse.

Ai është kërkuar për lidhje me sulmet e kryera kryesisht ndaj fëmijëve të partnereve të tij në periudhën 2000-2014.

Zyrtarët kanë thënë se 122 dosje deri më tani janë hapur kundër tij në Gjermani.

Në raportimet franceze është thënë se në mesin e sulmeve, që dyshohet se ai ka kryer, është edhe dhunimi i vajzës së tij vite më parë.

Autoritetet gjermane kanë alarmuar homologët e tyre më 7 tetor, kur i dyshuari ka shkuar në Francë.

Pas identifikimit të vendndodhjes së tij, ai është ndaluar më 16 tetor.

Aktualisht ai po mbahet në Kolmar, derisa të përfundojnë procedurat e ekstradimit.

Shfaq komentet
comments powered by Disqus
Sot mund të lexoni Shfletoni kopertinat