Fqinja e terroristit, Gordana Nikoliq: Vrasësin e kam parë disa orë para sulmit, me ndihmoi për bartjen e qeseve
Gazeta kroate "Jutarnji list" ka shkëputur rrëfimin e një fqinjeje të terroristit të Vjenës, dhënë gazetës britanike "Mirror", e cila flet se si e ka takuar Kujtim Fejzulain në shkallët e ndërtesës së tyre dhe atë vetëm gjashtë orë para sulmit të përgjakshëm,
- Buzëqeshi dhe madje më ndihmoi të mbaj qeset nga dyqani. Ishte ora dy e pasdites, unë dola nga ashensori vetëm me qeset, dhe ai po zbriste shkallët. Ai vrapoi drejt meje për të më ndihmuar. Unë i thashë se mund ta bëja vetë, por ai këmbënguli të merrte qeset e mia deri në derën e banesës. Dukej i lumtur, i buzëqeshur. Biseduam pak, gjithçka dukej normale - tha fqinja e Fejzulait, Gordana Nikoliq (68).
Ndërtesa, ku ka jetuar Kujtim Fejzulai
Kur ajo e pa për herë të fundit, ai kishte veshur pantallona të zeza, të gjera dhe një bluzë me kapuç, që tregon që ndërkohë është kthyer në banesë dhe i ka ndërruar rrobat, duke u veshur me të bardhq. Nikoliq shton se ndjehet keq kur e kujton se ka jetuar pranë terroristëve.
Fqinjët e tjerë thonë se ata kurrë nuk kanë qenë në banesën e tij, por supozojmë se është një apartament i vogël me një dhomë.
"Rreth tre pasdite të asaj dite, e pashë pranë një ndërtese me dy burra me mjekër, ata dukeshin fetarë," tha një fqinj, duke shtuar se Fejzulai ishte i tërhequr dhe gjithashtu shumë fetar.
Banesa ku ka jetuar Kujtim Fejzulai
- Është e tmerrshme që ka jetuar kaq afër nesh. Deri vonë shihja njerëz të veshur me rroba islamike që mblidheshin çdo ditë në një dhomë në ndërtesën përballë tonës. Nuk e di nëse Fejzulai shkonte atje,ato takime filluan një vit më parë, por nuk i kam parë gjatë javëve të fundit - tha fqinja Sylvia Nemeth.
"Njohuria se një përbindësh ka jetuar pranë teje të vret", tha njëri nga fqinjët.
Ndërtesa ku ka jetuar Kujtim Fejzulai
