AstraZeneca mbron planin për shpërndarjen e vaksinave në BE

Evropë

AstraZeneca mbron planin për shpërndarjen e vaksinave në BE

Më: 27 janar 2021 Në ora: 08:47
Foto ilustrim

Kreu i AstraZeneca ka mbrojtur shpërndarjen e vaksinës së koronavirusit në Bashkimin Evropian, mes tensioneve me vendet anëtare për vonesat në furnizim.

Pascal Soriot i tha gazetës italiane La Repubblica se ekipi i tij po punonte “24/7 për të rregulluar shumë çështje të prodhimit të vaksinës”.

Ai tha se prodhimi ishte “dy muaj prapa aty ku ne donim të ishim”.

Ai gjithashtu tha se vendimi i vonë i BE-së për të nënshkruar kontrata i kishte dhënë kohë të kufizuar për të zgjidhur çështjen me furnizimin, raporton BBC.

Sipas tij, problemet në “shkallëzimin” e prodhimit të vaksinave po përjetoheshin në dy fabrika një në Hollandë dhe një në Belgjikë.

“Është e komplikuar, veçanërisht në fazën e hershme ku duhet të zgjidhësh vërtet të gjitha llojet e çështjeve,” tha ai.

“Ne besojmë se i kemi zgjidhur ato çështje, por ne jemi në dy muaj prapa se ku donim të ishim.”

Shfaq komentet
comments powered by Disqus
Sot mund të lexoni Shfletoni kopertinat