Rachel Zegler tërheq vëmendjen me fustanin luksoz të Zuhair Murad

Bota e Yjeve

Rachel Zegler tërheq vëmendjen me fustanin luksoz të Zuhair Murad

Nga: A.M. Më: 19 nëntor 2026 Në ora: 21:34
Rachel Zegler

Rachel Zegler ka sjellë një paraqitje të veçantë në premierën e filmit “The Hunger Games: Sunrise on the Reaping”, në New York, duke kombinuar elegancën e modës së lartë me detaje të frymëzuara nga personazhi i saj në sagën e njohur filmike.

Aktorja, e cila më herët portretizoi këngëtaren Lucy Gray Baird në filmin “The Hunger Games: The Ballad of Songbirds & Snakes”, këtë herë tërhoqi vëmendjen me një fustan të ngushtë ngjyrë jeshile smeraldi, pa rripa, nga koleksioni Couture i stilistit Zuhair Murad.

Përveç fustanit luksoz, një tjetër element që spikati ishte modeli i flokëve. Ajo kishte zgjedhur një topuz të veçantë, të punuar në formë gjarpri rreth pjesës së sipërme të kokës, ndërsa një tufë flokësh zbriste mbi ballë, duke krijuar një lidhje të hollë me simbolikën e sagës.

Image
Rachel Zegler

Paraqitjen e saj e kompletoi me një grim natyral dhe shkëlqyes, për të cilin u kujdes grimerja Lisa Aharon. Ajo shpjegoi se synimi ishte që grimi dhe lëkura e aktores të plotësonin fustanin dhe modelin e flokëve, pa e tepruar me produktet apo duke krijuar një pamje që të dukej si kostum.

Për të arritur efektin e dëshiruar, fillimisht iu kushtua rëndësi përgatitjes së lëkurës përmes pastrimit dhe masazhit të fytyrës, përpara aplikimit të produkteve hidratuese. Kështu, u krijua një shkëlqim natyral që plotësoi të gjithë paraqitjen e aktores në tapetin e kuq.

Image
Rachel Zegler
Sot mund të lexoni Shfletoni kopertinat