Hap dyert e xhamisë për vaksinimin/ Imami i Firences: Të bashkuar kundër Covid!

Evropë

Hap dyert e xhamisë për vaksinimin/ Imami i Firences: Të bashkuar kundër Covid!

Më: 8 mars 2021 Në ora: 23:00
Foto ilustrim

“Në luftën kundër koronavirusit, duhet të jemi të bashkuar”, apeli i imamit të Firences, Izzeddin Elzir, që u shpreh i gatshëm të hapë xhaminë e tij për kryerjen e vaksinimeve, bëri mjaft jehonë në vendin fqinj.

“Nëse shërbimi ynë sanitar ka nevojë për hapësirë, dhe nëse xhamitë mun d të jenë një vlerë e shtuar për qytetarinë, mund të përsëritet pa frikë ajo që ndodhi në Mbretërinë e Bashkuar dhe pjesë të tjera të botës”, është shprehur ai. Imami shtoi se i kanë bërë thirrje besimtarëve të vaksinohen.

“Jemi të gjithë në të njëjtën varkë”, tha ai për La Nazione. “Ose fitojmë, ose humbim”. Për momentin, autoritetet shëndetësore rajonale në Itali nuk e kanë paraqitur një kërkesë të tillë, por imami është I gatshëm të ndihmojë nëse do të jetë nevoja. Pak ditë më parë u mësua se variant britanik i koronavirusit është kthyer në mbizotërues mes nxënësve nëpër shkolla, dhe po ndihmon në rritjen e nivelit të infektimeve ne vend.

Këto javët e fundit, incidence e rasteve mes të rinjve thotë Corriere della Sera, e ka eklipsuar atë të moshave më të mëdha, duke përmbysur kështu trendin e vënë re në fillim të pandemisë.

Shfaq komentet
comments powered by Disqus
Sot mund të lexoni Shfletoni kopertinat