Dhjetëra furnizues ushqimesh, pronarë restorantesh dhe kafenesh u mblodhën sonte para parlamentit serb për të protestuar ndaj masave të reja kundër përhapjes së coronavirusit.
Ndërsa u njoftua mbrëmjen e sotme që të gjitha objektet hotelierike, kafenetë, restorantet, baret, qendrat tregtare, por edhe institucionet kulturore, sallonet e bukurisë dhe parukerisë, palestrat, sallat sportive do të mbyllen, hotelierët e Beogradit u organizuan vetë dhe dolën në rrugë, raporton blic.rs.
Të mbledhurit bllokuan rrugën përpara asamblesë në Sheshin Nikola Pasic dhe deklaruan se masat e Shtabit të Krizave ishin “të palogjikshme”, dhe se furnizuesit e ushqimit ishin “të diskriminuar”, si dhe se objektet e hotelierisë nuk ishin një “terren shumëzimi”.
Ushqyesit theksuan se ata nuk mund të mbijetonin dhe se është “e pamundur që të gjithë të punonin përveç tyre”.
Ata kërkuan një ulje të taksave dhe kontributeve, si dhe një fshirje të të gjitha borxheve dhe qirave që kur zgjati epidemia e coronavirusit.
Ata njoftuan se do të vazhdojnë të mblidhen derisa të pranohen nga dikush nga maja e shtetit dhe të gjendet modeli më i mirë për punën e tyre në kushtet e epidemisë.
