Franca heq maskat dhe orën policore

Evropë

Franca heq maskat dhe orën policore

Më: 16 qershor 2021 Në ora: 19:21
Franca

Franca do të shfuqizojë detyrimin për veshje të maskës në ambiente të jashtme dhe do të heqë orën policore, e cila zgjat tash e tetë muaj, si masë për frenimin e koronavirusit.

Vendimi për maskën vlen nga nesër, ndërsa për orën policore nga e diela.

Kryeministri Jean Castex tha se situata në Francë është duke u përmirësuar shumë më shpejt sesa pritej dhe se francezët janë duke përjetuar “një kthim në jetën normale”.

Castex tha se është “lajm shumë i mire” që ora policore do të hiqet 10 ditë më herët sesa planifikohej.

Veshja e maskës do të mbetet e detyrueshme vetëm në vende të mbushura me njerëz, të tilla si tregjet në rrugë dhe stadiumet, tha ai.

Franca, javëve të fundit, është duke regjistruar mesatarisht 3 mijë e 900 raste me koronavirus në ditë.

Në kulmin e muajve mars dhe prill, ky vend ka regjistruar mbi 35 mijë raste të reja në ditë, shkruan rel.

Mbi 58% e popullsisë së rritur të Francës ka marrë së paku një dozë të vaksinës kundër koronavirusit.

Të martën, vaksinimi është hapur edhe për fëmijët e moshave 12-18 vjeç.

Franca ka regjistruar gjithsej 110 mijë e 563 viktima nga koronavirusi – një nga shifrat më të larta në Evropë.

Shfaq komentet
comments powered by Disqus
Sot mund të lexoni Shfletoni kopertinat