David Sassoli padi ndaj KE-së

Evropë

David Sassoli padi ndaj KE-së

Më: 20 tetor 2021 Në ora: 23:56
David Sassoli

Presidenti Europian David Sassoli ka kërkuar nga shërbimet e parlamentit Europian të përgatisin një padi kundër KE për shkeljen e rregullores së Kushtëzimit. Rregullorja e miratuar prej Dhjetorit të kaluar i lejon Bashkimit Europian të pezullojë pagesat nga buxheti i BE-së për shtetet anëtare ku vlerësohet se sundimi i ligjit po kërcënohet.

Letra nga presidenti drejtuar shërbimeve juridike të Parlamentit, vjen pas votimit në Komisionin e Çështjeve Ligjore që rekomandoi nisjen e procedurave në Gjykatën  e Drejtësisë. Shumica e grupeve politike në konferencën e sotme të krerëve të shtetit e mbështetën këtë kërkesë. Letra bën të qartë se Parlamenti do të tërheqë këtë procedim ligjor nëse Komisioni merr masat e nevojshme.

Duke folur pas takimit të drejtuesve të grupeve politike në Parlament, Presidenti Sassoli tha: “Shtetet Anëtare të BE -së që shkelin sundimin e ligjit nuk duhet të marrin fonde të BE -së. Vitin e kaluar, Parlamenti luftoi fort për një mekanizëm për ta siguruar këtë.  Bashkimi Evropian është një komunitet i ndërtuar mbi parimet e demokracisë dhe shtetit të së drejtës. 

Nëse këto janë nën kërcënim në një shtet anëtar, BE -ja duhet të veprojë për t’i mbrojtur ato. Prandaj i kam kërkuar shërbimeve tona ligjore që të përgatisin një padi kundër Komisionit për të siguruar që rregullat e BE-së të zbatohen siç duhet”, u shpreh ai. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat