Sot rrugët e Madridit ishin plot me dele, në vend të makinave

Evropë

Sot rrugët e Madridit ishin plot me dele, në vend të makinave

Më: 24 tetor 2021 Në ora: 19:08
Ilustrim

Rrugët e Madridit ishin të mbushura me dele dhe zhurma këmbanash të dielën, ndërsa barinjtë drejtonin kopetë e tyre nëpër zemër të kryeqytetit spanjoll, duke ndjekur rrugët e lashta sezonale të bagëtive.

Sipas mediave të huaja, vendasit u rreshtuan anash rrugëve për të mirëpritur spektaklin, i cili u anulua vitin e kaluar për shkak të pandemisë së shkaktuar nga Covid-19.

Ngjarja vjetore, e cila filloi më 1994, u lejon barinjve të ushtrojnë të drejtën e tyre për të përdorur rrugët tradicionale për të grumbulluar bagëtitë e tyre nga Spanja veriore në kullotat më jugore për kullotje dimërore.

Rruga do t’i kishte çuar ata nëpër një fshat të qetë disa shekuj më parë, por sot i sheh ata të përshkojnë qytetin e ngarkuar.

“Është e mrekullueshme. Unë vij çdo vit dhe ky është viti i parë që i sjell fëmijët kështu që është e mahnitshme”, ka thënë Graciela Gonzalez, 39 vjeç.

Delet ecnin të “shoqëruara” nga zhurma e zileve të tyre të zhurmshme të qafës ndërkohë që barinjtë e veshur me veshje tradicionale shoqëruan tufat e tyre me muzikë popullore dhe vallëzim.

Dhe fëmijët, më shumë të mësuar të shohin bllokime trafiku në rrugët e qytetit shijuan mundësinë për t’u afruar me kafshët.

“Ne ndonjëherë mund t’i prekim ato”, thotë e entuziazmuar Carmen Iglesias, tetëvjeçare, e cila po shikonte spektaklin me babanë e saj dhe motrën e vogël Noa, gjashtë vjeçe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat