Rikthehet Mbretëresha!

Evropë

Rikthehet Mbretëresha!

Më: 14 nëntor 2021 Në ora: 10:47
Mbretëresha Elizabeth II

Mbretëresha Elizabeth II është rikthyer sot në publik pas disa javësh pushimi të këshilluara nga mjekët, gjatë të cilave ajo u detyrua të qëndrojë në spital 24 orë.

Ajo do të marrë pjesë në ceremoninë vjetore të Përkujtimit të së dielës në memorialin Cenotaph të Londrës, ndërsa kombi kujton të vdekurit e luftës.

Buckingham Palace konfirmoi të enjten se monarkja 95-vjeçare ishte mjaft mirë për të marrë pjesë.

 “Ashtu si në vitet e mëparshme, Madhëria e Saj do ta shikojë Shërbimin nga ballkoni i ndërtesës së Zyrës së Jashtme, Komonuelthit dhe Zhvillimit”, thuhet në deklaratën e pallatit.

Këtë vit ceremonitë i rikthehen shkëlqimit të tyre tradicional, me pjesëmarrjen e mbi 10 mijë veteranëve dhe qindra ushtarëve.

Aty do të jetë edhe kryeministri britanik Boris Johnson.

Sipas traditës, Princi Charles do të vendosë një kurorë me lule për mbretëreshën në Cenotaph, ku do të ketë edhe një minutë heshtje në të gjithë Mbretërinë e Bashkuar.

Në fund të Tetorit mbretëresha iu nënshtrua testeve mjekësore dhe kaloi një natë në Spitalin e Mbretit Eduard VII të Londrës, qëndrimi i saj i parë i tillë në tetë vjet.

Gjatë periudhës së saj të pushimit, ajo humbi pjesëmarrjen në samitin e OKB-së për klimën në Glasgow, Skoci. Megjithatë, ajo regjistroi një mesazh që ua përcolli të pranishmëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat