Në Austri bie numri i rasteve me Covid

Evropë

Në Austri bie numri i rasteve me Covid

Më: 24 nëntor 2021 Në ora: 06:52
Foto ilustrim

Autoritetet austriake njoftuan sot për 9 513 raste të reja COVID-19 në 24 orët e fundit, hera e parë që numri i infeksioneve të reja ditore ka rënë nën 10 000 në dy javë.

Kohët e fundit, rreth 16 000 infeksione të reja janë regjistruar çdo ditë në Austri.

Megjithatë, pavarësisht rënies së rasteve të reja, numri i shtretërve spitalorë të zënë nga pacientët me COVID-19 ka vazhduar të rritet.

Që nga fillimi i muajit, janë vendosur kufizime të reja të rrepta kundër COVID-19, duke përfshirë një rregull që parandalon efektivisht personat e pavaksinuar të shkojnë kudo.

Pas një incidence shtatëditore prej 1 100 për 100 000 banorë, që u regjistrua javën e kaluar, dje hyri në fuqi një bllokim kombëtar, që do të zgjasë deri më 13 dhjetor./atsh

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat