​Tregtia e këmbimit valutor, BE gjobit pesë banka

Evropë

​Tregtia e këmbimit valutor, BE gjobit pesë banka

Më: 2 dhjetor 2021 Në ora: 17:47
Foto ilustrim

Komisioni Evropian vendosi gjoba për pesë banka për shoqërim të paligjshëm të kartelit në tregtinë e këmbimit valutor.

Banka zvicerane UBS, britanikja Barclays, Banka Mbretërore e Skocisë (RBS), HSBC dhe Credit Suisse janë gjobitur me një total prej 344 milionë euro (390 milionë dollarë), njoftoi sot Komisioni, transmeton CNBC.

Hetimi, i cili u fokusua në tregtimin e monedhave të vendeve dhe përbërjen e G10, zbuloi se tregtarët e këmbimit valutor në këto pesë banka shkëmbyen informacione të ndjeshme dhe diskutuan plane tregtare. Ata herë pas here koordinonin planet e tregtimit në internet në një grup profesional bisedash të quajtur Sterling Lads, tha KE.

Gjobat për katër banka - UBS, Barclays, RBS dhe HSBC - u ulën me 10 për qind pasi pranuan pjesëmarrjen e tyre në kartel.

Credit Suisse nuk ka marrë një ulje të tillë për shkak se nuk ka bashkëpunuar me autoritetet, ka thënë Komisioni, duke shtuar se gjoba e asaj banke është ulur me 4 për qind, pasi nuk është përgjegjëse për të gjitha aspektet e rastit.

CBNC thekson se në fund, UBS nuk do të duhet të paguajë gjobën pasi që banka mori "imunitet të plotë" pasi raportoi ekzistencën e një karteli.

"Vendimet tona për të ndëshkuar kartelet UBS, Barclays, RBS, HSBC dhe Credit Suisse dërgojnë një mesazh të qartë se Komisioni mbetet i përkushtuar për të siguruar një sektor financiar të shëndetshëm dhe konkurrues që është thelbësor për investime dhe rritje," tha Margret Vestager, kreu i Komisioni Evropian i Konkurrencës në një deklaratë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat