Analistët ushtarakë në Institutin për Studimin e Luftës me qendër në SHBA kanë nxjerrë vlerësimin e tyre të fundit të fushatës ruse. Këtu janë të dhënat më të fundit kryesore:
Kiev, kryeqyteti i Ukrainës mbetet operacioni kryesor luftarak i Moskës. Rusia po krijon kushte për të rrethuar kryeqytetin me përparime nga perëndimi dhe lindja e qytetit.
Analistët besojnë se autokolona 64 km e gjatë ende në veri të qytetit është atje për të mbështetur një sulm nga ana perëndimore.
Ndërsa, granatimet dhe bombardimet ajrore vazhdojnë në Kharkiv. Analistët besojnë se Rusia fillimisht po fillon një sulm ajror përpara se të hyjë me një sulm të ri tokësor të mërkurën ose të enjten.
Në jug, forcat ruse po synojnë të mbështesin kapjen e Khersonit, gjë që mund të hapë rrugën për lëvizje të reja në Odesa dhe Mykolaiv - gjë që do të pamundësonte qasjen në portin e Ukrainës.
Kherson, strategjikisht do të ishte një bazë jetike për ushtrinë ruse, pasi ajo kërkon të hyjë më tej në brendësi dhe në perëndim përgjatë bregdetit deri në qytetin e madh port të Odesës. Kherson është në vetvete një port i rëndësishëm i Detit të Zi dhe një qendër industriale.
Të kontrollosh Kherson do të thotë të kontrollosh gjithashtu një burim të madh uji.
Rusët gjithashtu po rreshtojnë trupat për të rrethuar Mariupolin në lindje - gjë që do të krijonte një "urë tokësore" për forcat ruse që të udhëtojnë lirshëm midis Rusisë dhe Krimesë.
