Pamja e madhe
Kanë kaluar gati pesë javë që nga pushtimi i Ukrainës nga Rusia. Pas negociatave dje, Rusia njoftoi se do të reduktonte në mënyrë drastike operacionet luftarake ushtarake në zonat përreth kryeqytetit Kiev dhe qytetit verior të Chernihiv.
Por kjo u prit me skepticizëm nga ukrainasit, si dhe nga SHBA dhe Britania e Madhe, të cilët thanë se duhet trajtuar me kujdes.
Vlerësimi ushtarak
Inteligjenca ushtarake e Mbretërisë së Bashkuar thotë se Rusia është duke u fokusuar në rajonet lindore për shkak të betejave të saj ushtarake, me disa njësi që kanë pësuar humbje të rënda që kthehen në Rusi dhe Bjellorusi (në veri të Ukrainës) për t'u rifurnizuar dhe riorganizuar.
Instituti për Studimin e Luftës thotë se forcat ruse kanë hequr dorë nga kapja e Kievit, por se ata vazhdojnë të luftojnë për të mbajtur pozicionin e tyre aktual pranë qytetit. Rusia po drejton gjithashtu disa rezerva në një përpjekje për të fituar terren që do të lidhë Kharkivin me vijën e saj të frontit në Luhansk. Dhe thotë se Mariupol ka të ngjarë të bjerë brenda disa ditësh.
Në tokë
Guvernatori ukrainas në Donetsk thotë se ka pasur bombardime ruse përgjatë të gjitha qyteteve dhe qytezave në vijën e frontit që ndan të dy palët. Granatimet raportohen gjithashtu në rajonin e Luhanskut.
Pavarësisht premtimit të djeshëm të Rusisë, guvernatori rajonal i Chernihiv, VIacheslav Chaus, pretendon se forcat ruse kryen sulme në qytet "gjatë gjithë natës", ndërsa zhurma e artilerisë mund të dëgjohej në skaj të qendrës së qytetit të Kievit.
Cfarë tjetër?
Rusia thotë se dëshiron të përqëndrohet në "çlirimin" e rajonit lindor të Donbasit (shtëpia e Donetsk dhe Luhansk) dhe duket se këtu do të përqendrohen forcat e saj tani.
Trupat ruse ka të ngjarë të duan të krijojnë një korridor tokësor përgjatë bregut jugor, duke lidhur Krimenë me kufirin rus. Mariupoli, i cili ndodhet përgjatë asaj rruge, është strategjikisht i rëndësishëm, prandaj Rusia e ka bombarduar aq rëndë, duke vrarë një numër të madh civilësh dhe duke krijuar një krizë humanitare.