Komisioneri i Lartë i Kombeve të Bashkuara për Refugjatët, Filippo Grandi, ka vizituar një qendër ku po qëndrojnë refugjatët në qytetin perëndimor të Ukrainës, Lviv.
Ai tha se numrat që kalojnë kufirin në Poloni kanë rënë dhe situata "nuk është si më parë".
"Tani, është një situatë shumë fluide," tha ai. "Disa njerëz ndoshta vijnë për të parë të afërmit e tyre, disa njerëz shkojnë në vende të tjera, disa njerëz qëndrojnë në Poloni... Unë mendoj se të gjithë po shikojnë se si po shkon lufta”.
Ai u bëri thirrje donatorëve që të jenë fleksibël se ku mund të shpenzohen paratë e tyre, duke pasur parasysh ndryshimin e nevojave brenda Ukrainës dhe në vende si Polonia.
“Ne duhet të jemi gati për çdo lëvizje në këtë situatë shumë të vështirë”, tha ai.
