LIVE: Ukraina rimerr të gjithë rajonin e Kievit, kjo është lëvizja e fundit e Rusisë

Evropë

LIVE: Ukraina rimerr të gjithë rajonin e Kievit, kjo është lëvizja e fundit e Rusisë

Nga: Bota sot Më: 2 prill 2022 Në ora: 06:24 Përditësuar në ora: 06:51 më 02.04.2022
Ushtarët ukrainas në një automjet ushtarak jashtë Kievit të shtunën. Fotografia: Vadim Ghirdă/AP

Zyrtarja e lartë e Pentagonit flet për luftën në Ukrainë, ndërhyrjen ruse në Ballkan

Një zyrtare e lartë e Pentagonit thotë se megjithëse Moska po e ndryshon retorikën lidhur me objektivat në Ukrainë, ajo po përdor të njëjtat taktika shkatërruese kundër civilëve në terren.

Në një intervistë me Zërin e Amerikës, Zëvendës Ndihmës Sekretarja amerikane e Mbrojtjes për Rusinë, Ukrainën dhe Eurazinë Laura Cooper tha se Shtetet e Bashkuara dhe aleatët e tyre janë në një emërues të përbashkët në mbështetjen e Ballkanit Perëndimor përballë përpjekjeve të Rusisë për destabilizim.

Në intervistën me gazetaren e Shërbimit Serb, Milena Durdic, zonja Cooper tha gjithashtu se nuk është në interesin e Serbisë të bashkëpunojë me Rusinë.

Zëvendës Ndihmës Sekretarja amerikane e Mbrojtjes Laura Cooper thotë se megjithëse se Moska po ndryshon retorikën lidhur me synimet e saj në Ukrainë, në terren po vazhdon me sulmet shkatërruese kundër popullatës civile.

Lajmin e plotë mund ta lexoni këtu.

Kina mohon se ka anashkaluar qëllimisht sanksionet ndaj Rusisë

Një diplomat i lartë kinez ka hedhur poshtë zërat se vendi i tij po i anashkalon sanksionet ndaj Rusisë, një ditë pasi udhëheqësit e BE-së paralajmëruan Kinën që të mos e bënte këtë.

Wang Lutong, nga ministria e jashtme e Kinës, tha se Pekini po ndihmonte ekonominë globale përmes tregtisë së vazhdueshme me Rusinë.

Por vendet perëndimore kanë shprehur shqetësime për hezitimin e Pekinit për të dënuar pushtimin e Rusisë  dhe kanë frikë se Pekini mund t'i ofrojë mbështetje Rusisë për të pakësuar ndikimin e sanksioneve.

Të premten, shefja e Komisionit Evropian, Ursual von der Leyen paralajmëroi se sektori i biznesit në Evropë po vëzhgon nga afër veprimet e Kinës./A.M.

Forcat ruse largohen nga rajoni i Kievit

Dje u raportua se është zhvilluar një betejë e ashpër në rajonin e Kievit.

Ndërkaq, është konfirmuar se tashmë Ukraina e ka rimarr territorin rreth Kievit, shkruan reuters.

Ndërkaq, raportohet se ushtarët rusë i kanë braktisur tanket e tyre dhe janë larguar, transmeton “Bota sot”.

Fshatrat përreth Kievit janë tërësisht të shkatërruara nga forcat e armikut./A.M.

LEXO edhe: LIVE: Rusia tradhton sërish Ukrainën, paralajmërohen goditje të reja ndaj Putinit

Kryqi i Kuq niset sërish për në Mariupol

Komiteti Ndërkombëtar i Kryqit të Kuq të premten nuk ka arritur që të hyjë në Mariupol për t`i ndihmuar operacionin e evakuimit të civilëve.

Por, ata nuk janë tërhequr, shkruan "Bota sot".

Serish sot do të tentojnë që të hyjnë në Mariupol.

Siç, raporton Reuters ata veç se janë nisur për në Mariupol.

Dhjetëra mijëra ukrainas janë të bllokuar me akses të pakët në ushqim dhe ujë./A.M.

(6:11) - 38 ditë nga fillimi i pushtimit të Ukrainës

Sot është dita 38 e fillimit të luftës në Ukrainë.

Po vazhdojnë përpjekjet e Ukrainës për ta kthyer mbrapa për në Rusi forcat pushtuese, shkruan "Bota sot".

Të njëjtën kohë ukrainasit vazhdojnë t’i lëshojnë shtëpitë e tyre.

Kurse, ende nuk ka marrëveshje mes Rusisë dhe Ukrainës./A.M.

comment Për komente lëvizni më poshtë
Sot mund të lexoni Shfletoni kopertinat