Puigdemont-it i mohohet ulësja në Parlamentin Evropian

Evropë

Puigdemont-it i mohohet ulësja në Parlamentin Evropian

Më: 6 korrik 2022 Në ora: 18:19
Foto ilustrim

Udhëheqësi separatist katalanas, Carles Puigdemont, nuk do të rimarrë vendin e tij në Parlamentin Evropian.

Kështu ka vendosur Gjykata Evropiane e Drejtësisë, sipas të cilës, është Spanja dhe jo Parlamenti Evropian që po e pengon Puigdemont-in të rimarrë punën e BE-së.

Puigdemont dhe ish-ministri i Shëndetësisë i Katalonjës, Antoni Comín, i kishin kërkuar Gjykatës Evropiane të Drejtësisë të anulonte vendimin e mëparshëm për përjashtimin e të dyve.

Ata kërkonin edhe dëmshpërblim, të cilin e kishin humbur më herët për shkak të përjashtimit, njoftojnë mediet botërore.

Bëhet e ditur se Puigdemont dhe Comín jetojnë në mërgim, pasi u akuzuan nga qeveria spanjolle, pos tjerash, për rebelim dhe nxitje në lidhje me përpjekjen për pavarësinë e Katalonjës, katër vjet më parë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat