I dërguari i Ukrainës paralajmëron Ligën Arabe kundër ndërhyrjes ruse

Evropë

I dërguari i Ukrainës paralajmëron Ligën Arabe kundër ndërhyrjes ruse

Nga: A.SH Më: 11 gusht 2022 Në ora: 16:43
Foto ilustrim

I dërguari i posaçëm i Ukrainës për Lindjen e Mesme ka paralajmëruar vendet arabe kundër "ndërhyrjes ruse në çështjet rajonale", duke akuzuar Moskën për dërgimin e mercenarëve në rajon për të planifikuar "grusht shteti" dhe "plaçkitur pasurinë e këtyre vendeve".

Duke iu drejtuar Ligës Arabe me video-konferencë vetëm disa javë pasi grupi priti ministrin e jashtëm të Rusisë, Maksym Subkh fajësoi gjithashtu Moskën për parandalimin e dërgesave të grurit ukrainas në rajon, përcjell Bota sot.

"Ukraina ka sot 20 milionë tonë drithë gati për t'u eksportuar, kryesisht në shtetet arabe dhe afrikane," tha Subkh, duke shtuar se "rrethimi i porteve tona nga pushtuesit rusë" kishte bllokuar dërgesat.

Disa anije kanë mundur të largohen nga portet e Ukrainës ditët e fundit pas një marrëveshjeje me Rusinë e ndërmjetësuar nga Kombet e Bashkuara dhe Turqia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat