Trafiku hekurudhor në Krimenë e aneksuar nga Rusia u ndërpre pas shpërthimeve në një bazë ushtarake, raporton agjencia ruse e lajmeve RIA.
Agjencia raporton se shtatë trena pasagjerësh ishin vonuar dhe trafiku hekurudhor në një pjesë të linjës në veri të Krimesë ishte pezulluar, përcjell Bota sot.
Kreu i Krimesë i instaluar nga Rusia, Sergei Aksyonov, thotë se hekurudha, e cila u dëmtua nga shpërthimet në rrethin Dzhankoy, tashmë është riparuar.
Në Telegram, Aksyonov thotë se trafiku hekurudhor do të rifillojë pas përfundimit të punimeve.
