Rekord zjarresh këtë vit në Evropë, u dogjën mbi 700 mijë hektarë pyje

Evropë

Rekord zjarresh këtë vit në Evropë, u dogjën mbi 700 mijë hektarë pyje

Më: 18 gusht 2022 Në ora: 14:47
Foto ilustrim

Zjarret kanë djegur një rekord prej 700 mijë hektarësh pyje në BE deri më tani këtë vit, sasia më e madhe që nga fillimi i regjistrimeve, sipas Komisionit Evropian.

“Ne po përballemi me një verë të vështirë në Evropë, deri tani për këtë vit më shumë se 700 mijë hektarë janë djegur, vlera më e lartë në këtë kohë të vitit që nga viti 2006”, tha Janez Lenarcic, komisionari evropian për Ndihmën Humanitare dhe Menaxhimin e Krizave.

Shifrat nga Sistemi Evropian i Informacionit për Zjarret në Pyje (EFFIS) tregojnë se Spanja ka qenë më e goditura deri më tani me më shumë se 283 mijw hektarë të djegur. Pasohet nga Rumania (150.735), Portugalia (86.631), Franca (62.102), dhe Italia (42.835).

Numri i zjarreve është rritur gjithashtu vitet e fundit me më shumë se dymijw e 300 zjarre të regjistruara në të gjithë bllokun nga mesi i gushtit, shumë mbi mesataren gjatë periudhës 2006-2021 prej njwmijw e 349 zjarresh.

Ndryshimet klimatike kanë rritur ashpërsinë e zjarreve në të gjithë Evropën. Këtë vit, shumë prej zjarreve u ndezën nga disa valë të nxehti dhe u lehtësuan nga një thatësirë, Qendra e Përbashkët e Kërkimeve të Komisionit Evropian tha se mund të jetë më e keqja në 500 vitet e fundit.

Sipas Komisionit Evropian, gjatë dy muajve të fundit, 29 avionë dhe tetë helikopterë janë vendosur në të gjithë bllokun përmes Mekanizmit të Mbrojtjes Civile të BE-së, i cili është një mënyrë për vendet e BE-së për të ndarë burimet gjatë situatave emergjente.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat