​Zvicra lehtëson rregulloret për konsumin e ujit për prodhimin e rrymës

Evropë

​Zvicra lehtëson rregulloret për konsumin e ujit për prodhimin e rrymës

Më: 1 tetor 2022 Në ora: 22:03
​Zvicra

Qeveria zvicerane do të lehtësojë përkohësisht rregulloret për përdorimin e ujit në mënyrë që rreth dyzet hidrocentrale të mund të rrisin prodhimin dhe të parandalojnë mungesat e energjisë këtë dimër.

Rregulloret do të lehtësohen për shtatë muaj, duke filluar nga e shtuna, dhe duhet të lejojnë që prodhimi i energjisë elektrike të rritet deri në 150 gigavat orë (GWh), tha qeveria në një deklaratë.

Rreth dyzet hidrocentrale morën një koncesion të ri për përdorimin e ujit pas vitit 1992, me parashikimin që për arsye ekologjike të kthejnë në mjedis më shumë ujë se minimumi i parashikuar ligjor.

Berna zyrtare tani e ka lehtësuar këtë rregullore për shtatë muaj. Kapaciteti i rritur i prodhimit është afërsisht i barabartë me prodhimin vjetor të hidrocentralit të Aare, ose 30 për qind e rezervave të kërkuara të qeverisë për hidrocentralin për këtë dimër.

Berna pretendon se pasojat mjedisore do të jenë të justifikuara dhe në përpjesëtim me përfitimet ekonomike.

Vendimi ka të ngjarë të kufizojë përkohësisht migrimin e peshqve dhe zbatimi i tij do të ndikojë në biodiversitetin, furnizimin me ujë dhe cilësinë e ujit në afat të gjatë. Zvicra ka gjithsej 1500 hidrocentrale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat