Vladimir Putin u pyet sërish për të ashtuquajturin operacion ushtarak në Ukrainë, i cili filloi në shkurt dhe vazhdon akoma, përcjell Bota sot.
Ai tha se nuk do të flasë për zgjerimin "të papranueshëm" të NATO-s, duke shtuar se kishte kërcënime për sigurinë ruse.
"U injorua, propozimi ynë," thotë ai, duke pretenduar se Kievi refuzoi të respektonte marrëveshjet e Minskut.
Putin tha gjithashtu se ai vazhdimisht mendonte për ushtarët rusë që kanë rënë në Ukrainë, por tha se Moska nuk kishte zgjidhje tjetër veçse të pushtonte.
“Duhet të vendosnim se çfarë të bënim me Donbasin sepse njerëzit jetonin për tetë vjet nën zjarr”, tha ai. “Duhej të njihnim pavarësinë e tyre”.
Zoti Putin tha se kjo nuk mjaftonte, kështu që ai ndërmori "hapin tjetër logjik" për t'i inkorporuar ato në Federatën Ruse.
Të gjitha këto pretendime kundërshtohen ashpër nga Ukraina.
Udhëheqësi rus tha se "zgjedhja tjetër" ishte të priste që autoritetet ukrainase të nisnin "operacionin e tyre ushtarak".
Ai tha se një grusht shteti i supozuar në vitin 2014 shkaktoi një "varg ngjarjesh tragjike".
Putin tha se konflikti në Ukrainë është një "luftë civile" në një masë të caktuar. Ai e përshkroi Ukrainën si një "shtet artificial".
Ai shtoi: "Ne kishim vetëm një qëllim, që ishte të ndihmonim njerëzit në Donbas. Vetëm Rusia është në gjendje të jetë garantuese e integritetit territorial të Ukrainës".
