Rusia bombardon gjatë gjithë natës qytetin ukrainas

Evropë

Rusia bombardon gjatë gjithë natës qytetin ukrainas

Më: 29 tetor 2022 Në ora: 11:11
Pamje nga lufta në Ukrainë

Në ditën e 248 të luftës, ushtria ruse ka bombarduar gjatë gjithë natës qytetin lindor ukrainas Nikopol, i cili ndodhet përballë termocentralit bërthamor të Zaporizhzhia.

Mediat ukrainase kanë raportuar për dëmtime të mëdha në rrjetin e energjisë dhe në linjat e gazit. Ndërkohë, në Lugansk lufta ka marrë një pikë kthese, pasi trupat ukrainase po marrin kontrollin e autostradës strategjike Svatove-Kreminna, pasi disa javësh luftime të ashpra dhe të vazhdueshme.

Të premten, Moska deklaroi se ka përfunduar mobilizimi i pjesshëm nëpërmjet të cilit rreth 80 mijë qytetarë janë pajisur me armë.

“Pati një zjarr në disa ndërtesa, u shkatërruan apartamente e dyqane. Linjat e energjisë u bombarduan”, tha kreu rajonal Valentin Reznichenko.

comment Për komente lëvizni më poshtë
Sot mund të lexoni Shfletoni kopertinat