Tronditet Franca: Trupat e dy foshnjave gjenden të ngrira në një firgorifer

Evropë

Tronditet Franca: Trupat e dy foshnjave gjenden të ngrira në një firgorifer

Më: 2 dhjetor 2022 Në ora: 10:27
Ilustrim

Trupat e ngrirë të dy foshnjave u gjetën në një frigorifer të enjten në qytetin Bedoin në rajonin Vaucluse të Francës, brenda shtëpisë së një gruaje, e cila po mbahet nga policia.

“Çështja është në fazën fillestare dhe ngjarjet janë të karakterit kriminal”, tha prokurori, duke sqaruar se zbulimi është bërë në mëngjes, pas një telefonate të një personi të tretë në polici.

Për momentin është e pamundur të përcaktohet mosha apo gjinia e foshnjave të gjetura të ngrira, si dhe ndonjë lidhje e mundshme mes tyre apo gruas që mbahet nga policia.

“Është e vështirë në këtë fazë të jepen detaje”, këmbënguli prokurori, duke shtuar se u morën mostra për të mësuar më shumë rreth dy fëmijëve.

“Autopsia do të na tregojë më shumë”, shtoi ai.

Raporti mes personit që ka lajmëruar policinë dhe gruas në paraburgim nuk është përcaktuar nga prokuroria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat