Çekia do të trajnojë ushtarët ukrainas

Evropë

Çekia do të trajnojë ushtarët ukrainas

Më: 3 dhjetor 2022 Në ora: 08:25
Sipas rregullores së re, ushtarët ukrainas do të trajnohen në qendrën e trajnimit ushtarak Libava

Me projektligjin e miratuar në Senatin e Çekisë, që nga viti i ardhshëm në këtë vend do të trajnohen rreth 4 mijë ushtarë ukrainas.

Rruga për trajnimin e ushtarëve ukrainas në Çeki u hap pasi projektligji i përgatitur nga qeveria e koalicionit të përbërë nga 5 parti në vend u miratua edhe nga Senati, shkruan Anadolu.

Sipas rregullores së re, ushtarët ukrainas do të trajnohen në qendrën e trajnimit ushtarak Libava, në rajonin Moravia të vendit.

Sipas lajmeve në shtypin e vendit, thuhet se në vitin 2023 në këtë vend do të trajnohen rreth 4 mijë ushtarë.

Çekia e cila mban presidencën e radhës së BE-së, ka ofruar mbështetje të ndryshme ushtarake, kryesisht tanke dhe armë me tytë të gjatë për Ukrainën, fqinjin e saj.

Me fillimin e luftës është njoftuar se është mbi 400 mijë numri i ukrainasve të strehuar në Çeki.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat