Kryeministrja italiane Giorgia Meloni ishte dje për vizitë në Trieste, ku mori pjesë në ditën e përkujtimit të eksodit të italianëve nga Istria, Rijeka dhe Dalmacia pas Luftës së Dytë Botërore.
Në një aktivitet që tradicionalisht bashkon qeverinë italiane, si dhe anëtarë të shumtë të organizatave të djathta, Meloni mbajti një fjalim dhe tha se kishte ardhur shumë herë në këtë zonë.
“Si vajzë e vogël kam ardhur këtu shumë herë. U ktheva si i rritur për të festuar më në fund Ditën Përkujtimore që fshiu njëherë e përgjithmonë komplotin e heshtjes që rrethoi tragjedinë e Febit. Në emër të institucioneve të Italisë, kërkojmë falje për heshtjen tonë ndaj këtyre ngjarjeve dhe i nderojmë të gjithë italianët që vendosën të largoheshin nga vendi për të mbetur me të vetmen gjë që komunistët e Titos nuk mund t’i hiqnin, që është identiteti i tyre”, tha Meloni.
Gjatw fjalimit tw saj, Meloni e quajti xhelat presidentin e RSFJ-sw, Josip Broz Tito.
“Falënderoj deputetët që po vazhdojnë debatin në Komisionin për çështjet kushtetuese për t’i hequr dekoratën shtetërore xhelatit Tito. Krimet janë tragjedia e vendit tonë, jo një pjesë e tij. Rroftë Trieste, rroftë Italia dhe rroftë e vërteta”, përfundoi Meloni.
Vlerësohet se në fund të Luftës së Dytë Botërore, disa qindra italianë u vranë në Istria, shumica e të cilëve ishin anëtarë të lëvizjes fashiste në Itali të asaj kohe.
Besohet se pas Luftës së Dytë Botërore, më shumë se 200 mijë italianë u larguan nga zona e Istrias dhe Dalmacisë.
