Policia greke ka arrestuar një njeri të dyshuar për kryerjen e një sulmi me një letër bombe që në muajin maj ka plagosur rëndë ish-kryeministrin, Loukas Papademos dhe dy persona të tjerë që ishin në veturë me të, raporton “Ansa.it”, përcjell “Bota sot”.
I dyshuari, një 29 vjeçar, emri i të cilit nuk u zbulua, gjithashtu ka qenë i përfshirë në dërgimin e mjeteve shpërthyese në Ministrinë e Financave gjermane dhe në zyrat parisiene të Fondit Monetar Ndërkombëtar në muajin mars, ku një person u plagos lehtë.
Papademos, 70 vjeçar, ishte një kryeministër teknik për gjashtë muaj midis vitit 2011 dhe 2012, dhe ish-guvernator i Bankës Qendrore Evropiane.
Ai ishte plagosur në gjoks dhe në këmbë, i cili qëndroi në spital për më shumë se një muaj.
